Баткен облустук ооруканасынын жугуштуу дарт бөлүм имараты оңдолууда
- 4 года мурун
Президент Сооронбай Жээнбеков бүгүн, 12-августта, Баткен облустук ооруканасынын жугуштуу оорулар бөлүмүнүн имаратын капиталдык реконструкциялоонун жүрүшү менен таанышты.
Архитектура, курулуш жана турак жай-коммуналдык чарба мамлекеттик агенттигинин директору Урматбек Кокочаровдун маалыматына ылайык, бул жерде 90 орундуу жаңы оорукананы ачуу үчүн оңдоп-түзөө жана калыбына келтирүү иштери жүрүүдө. Оңдоп-түзөө иштерин август айынын аягына чейин бүткөрүү пландалууда.
Президент 12-13-августта Баткен жана Жалал-Абад облустарын кыдырат.
Бул тууралуу Президенттин басма сөз кызматы кабарлады.
Cүрөт: president.kg
Муну бөлүшүү
