Канн кинофестивалы пандемияга байланыштуу өтпөй турган болду
- 4 года мурун
Францияда Канн кинофестивалы өтпөй калды. Быйыл 73-жолу өтө турган иш—чара 12-майга белгиленген, кийинчерээк пандемияга байланыштуу анын мөөнөтү июнга жылдырылган. Жекшемби, 10-майда уюштуруучулар фестиваль болбой турганын билдиришти.
Фестивалдын программасы, сынак жана сынактан тышкаркы иш-чаралар кандай түрдө сакталып калары азырынча белгисиз. Оптимисттер фестиваль күзүндө өтүшү ыктымал экенин, пессимисттер салтанат 2021-жылы болорун божомолдошууда.
Пандемияга байланыштуу эң биринчи «Евровидение» ыр сынагы быйыл болбой турганы жарыяланган. Конкурс 12-16-май аралыгында Нидерландынын Роттердам шаарында өтмөк.
Муну бөлүшүү
