Коронавирус аныкталгандардын арасында убактылуу абак жайынын кызматкери бар
- 4 года мурун
Бишкектеги №-1 убактылуу абак жайынын (СИЗО-1) бир кызматкеринен коронавирус аныкталды.
Бул тууралуу саламаттык сактоо министри Нурболот Үсөнбаев билдирди.
-Бүгүнкү күндө СИЗО-1де бир гана кызматкер коронавирус жуктурган учур бар. Кызматкерден тиешелүү анализдердин баары алынган жана алмедиктердин көзөмөлүндө. Азыркы учурда СИЗОдо бул учур боюнча териштирүүлөр жүргүзүлүп жатат — деп билдирди саламаттыкты сактоо министринин орун басары Үсөнбаев.
Ошондой эле “РСК Банк” ААКнын 2 кызматкери коронавирус инфекциясын жуктурду.
Банктын Бишкектеги кеңсесинде жана Чаткал районундагы филиалдын кызматкеринен коронавирус аныкталган.
Кыргызстанда бүгүнкү, 8-майдагы, маалымат боюнча COVID-19 инфекциясынын 11 учуру катталып, жалпы саны 906га жетти.
Сүрөттө: СИЗО-1. «ПолитКлиника».
