Бишкекте төрт медкызматкер коронавирус жуктуруп алды
- 4 года мурун
6-майдагы маалыматка караганда, бир сутка ичинде өлкө боюнча Бишкек шаарында 4 медициналык кызматкер коронавирус жуктуруп алганы аныкталды.
Республика боюнча COVID-19 вирусун жуктуруп алган медициналык кызматкерлер арасында – 221 учур катталды. 154 медкызматкер стационардан айыгып чыккан.
Бул тууралуу саламаттык сактоо министринин орун басары Нурболот Үсөнбаев билдирди.
Кыргызстанда коронавирус инфекциясы диагнозу менен жалпы 12 киши көз жумду.
6-майга карата Кыргызстанда COVID-19 инфекциясынын жаңы 28 учуру катталып, жалпы саны 871ге жетти.
Иллюстрациялык сүрөт: Интернет булактарынан.
Муну бөлүшүү
