Жарандарыбызды Мекенине кайтаруу кыйын болууда
- 4 года мурун
- Баяндар
Пандемиянын башталышынан бери чет өлкөлөрдөн Кыргызстанга
7 888 жаран кайткан.
-Биздин жарандарыбызды мекенине кайтаруу маселесин чечүү кыйын болууда, анткени көптөгөн өлкөлөр коронавирустун жайылышына каршы күрөшүү максатында чек араларын жапкан жана туруктуу авиабилдирүүлөрдү токтоткон, -деп билдирди тышкы иштер министринин биринчи орун басары Нуран Ниязалиев.
-Чет өлкөлөрдө жүргөн жарандарыбызды ден соолугун тобокелчиликке салбаш үчүн турган жеринде калууга чакырабыз. Жер-жерлерде Кыргыз Республикасынын дипломатиялык өкүлчүлүктөрүнүн кызматкерлери иштеп жатат, алар мекендештерге жардам көрсөтүүгө же кеп-кеӊеш берүүгө даяр, -деди ал.
2020-жылдын 16-апрелинен бүгүнкү күнгө чейин Кыргызстанга аба аркылуу жана унаа аркылуу 1556 жаран кайтып келди. Ошондой эле 126 жүк ташыгыч кайтарылды.
Дүйнөлүк саламаттык сактоо уюму (ДСУ) 11-мартта коронавирус пандемия мүнөзүнө өттү деп жарыялады.
Бүткүл дүйнөлүк саламаттык сактоо уюму коронавируска байланыштуу эл аралык өзгөчө абал жарыялады.
Сүрөт: Республикалык штаб.
