Медицина кызматкерлерине коргоочу костюм берилди
- 4 года мурун
Коронавируска каршы күрөшүүдө «Апаатка такаат» социалдык долбоорунун алкагында уюшулган ишкерлердин JIA бизнес-ассоциациясы «Элим, барсынбы?» фонду менен бирге медицина кызматкерлерине 1000 коргонуучу костюм беришти.
Атайын костюм Кытайда даярдалган, алар бардык стандарттарга жооп берет жана сапат тастыктамасы бар. Топтомго: беткап, көз айнек, костюм, бахила жана кол кап кирет.
Буларды сатып алуу үчүн ишкерлерден 2 млн сом чогултулган. ЖКК республиканын бардык медициналык мекемелери боюнча бөлүштүрүлөт.
Жалпысынан республика боюнча COVID-19 жуктуруп алган медицина кызматкерлеринин саны 175 болду.
25-апрелге карата республика боюнча СOVID-19 инфекциясынын жаңы 9 учуру катталып, жалпы саны 665 болду.
Сүрөт: Республикалык штаб.
Муну бөлүшүү
