Айрым жерлерде коронавирусту аныктоо үчүн үймө-үй кыдырышат
- 4 года мурун
Бишкектин айланасындагы конуштардын, ошондой эле вирус чыгып жаткан өлкө аймактарындагы айрым калктуу конуштарынын тургундары текшериле баштайт.
Бул тууралуу республикалык ыкчам штабдын кезектеги жыйынында талкууланды.
-Илдетти жугузган айрым райондордун аймагындагы үймө-үй кыдыруу, тургундардын саламаттыгын текшерүү иши уюштурулган түрдө сапаттуу жана ыкчам өткөрүлүшү керек. Мобилдик бригадалар иштин бул баскычына даяр болуусу шарт, — деди биринчи вице-премьер-министри Кубатбек Боронов.
Республика боюнча бүгүнкү күнгө чейин жалпы 345 бейтап айыгып, ооруканадан чыгарылды.
25-апрелге карата республика боюнча СOVID-19 инфекциясынын жаңы 9 учуру катталып, жалпы саны 665 болду. 8 киши каза тапты.
Сүрөт: Республикалык штаб.
Муну бөлүшүү
