Чеченстанда Кадыровдон кийин аткаминерлер чачын алдыра баштады
- 4 года мурун
Чеченстандын башчысы Рамзан Кадыров чачын кырдырып таштады.
“Кавказ-Реалии” билдиргендей, эртеси эле республикадагы көптөгөн мамлекеттик кызматкерлер жана аткаминерлер дагы чачтарын алдырышты.
Кадыров дүйшөмбү күнү 20-мартта коронавируска каршы күрөшүү боюнча ыкчам штабдын жыйынын өткөргөн.
Жергиликтүү жашоочу чач тарачтарды ачууга болор-болбосун сураган. Кадыров “баарыбыз чачыбызды кырдырып салсак жаман болбойт” деп ал жооп берген.
21-мартта Кадыров “Инстаграмдагы” баракчасына чачы жок чыгып, башкаларды да чачты алдырууга чакырган. Ал: “Сулуулук салондору жабык, үйдө да чач тарач жок. Биздин бабаларыбыз ушундай кылышкан. Башкысы, пайгамбарыбыз муну шейшембиден шаршембиге караган күнү жасаган» деп билдирди.
Сүрөт: Интернет булактарынан.
Муну бөлүшүү
