Польшадан медициналык кызматкерлер келди
- 4 года мурун
Кыргызстанга Дүйнөлүк саламаттык сактоо уюмунун линиясы боюнча Польшаданкурамында 8 медициналык кызматкер турган топ кечээ, 19-апрелде келди.
Польшалык медиктер атамекендик медициналык кызматкерлерге Бишкек, Ош жана Жалал-Абад шаарларында коронавирустук инфекцияга каршы күрөшүүдө көмөк көрсөтүшөт.
Эки өлкөнүн адистери аталган багытта топтолгон маалыматы менен бөлүшүп, тажрыйба алмашышат.
Дүйнөлүк саламаттык сактоо уюму (ДСУ) 11-мартта коронавирус пандемия мүнөзүнө өттү деп жарыялады.
Бүткүл дүйнөлүк саламаттык сактоо уюму коронавируска байланыштуу эл аралык өзгөчө абал жарыялады.
19-апрелге карата Кыргызстанда коронавирустун жаңы 48 учуру катталды. Бардыгы 554 учурга жетти.
Республика боюнча бүгүнкү күнгө жалпы 133 бейтап айыгып, ооруканадан чыгарылды.
Сүрөт: gov.kg
