Ат-Башыга жана Жумгалга дарыгерлер жөнөтүлдү
- 4 года мурун
Коронавирус менен күрөшүүгө Нарын облусуна нейрохирург, эпидемиолог, балдар инфекционисти жана кардиолог дарыгерлерден турган эки топ жөнөтүлдү.
Өз каалоосу менен кеткен дарыгерлер Ат-Башы жана Жумгал райондорундагы кесиптештерине жардам беришмекчи.
Аймактарга ушуну менен 7 жана 8 дарыгер тобу жөнөтүлдү.
Бул тууралуу коронавирустун алдын алуу жана ага каршы күрөшүү боюнча республикалык штаб билдирди.
Кыргызстанда 18-апрелге карата коронавирустун жаңы 17 учуру катталып, бардыгы 506га жетти.
18-апрелде, бир сутка ичинде коронавирус жуктуруп алган медициналык кызматкерлер катталган жок. Жалпысынан республика боюнча COVID-19 жугузган медициналык кызматкерлердин саны 116га жетти.
Сүрөт: Республикалык штаб.
Муну бөлүшүү
