Улуттук банк: Валюта рыногундагы абал туруктуу
- 4 года мурун
Валюта рыногундагы бүгүнкү абал туруктуу, АКШ долларынын курсу (сомго карата) жыл башынан бери 11,92%га өстү.
Бул тууралуу Улуттук банктын расмий өкүлү Аида Карабаева билдирди.
Алмаштыруу курсунун кескин өзгөрүүсүн болтурбоо үчүн улуттук банк жалпы суммасы 216,9 млн АКШ долларды сатуу боюнча 8 интервенция жүргүзгөн.
Улуттук банктын эл аралык резервдери 9-апрелге карата 2 млрд 368,8 млн АКШ долларын түзгүнү айтылды.
Ал эми .жуманын башталышынан АКШ долларынын сомго карата курсу арзандап, 78 сомго кайтып келди.
АКШ доллары -77,3, 77, 5 сом болууда, ал эми сатылышы 78-78,2 сомго сатылууда.
Коронавирус коркунучуна байланыштуу 25-марттан тартып, Бишкек, Ош, Жалал-Абад шаарларында, Ноокат, Кара — Суу, Сузак райондорунда өзгөчө абал киргизилген.
Коронавирус дүйнөнүн 185 өлкөсүн каптады.
Дүйнөлүк саламаттык сактоо уюму (ДСУ) 11-мартта коронавирус пандемия мүнөзүнө өттү деп жарыялады.
Бүткүл дүйнөлүк саламаттык сактоо уюму коронавируска байланыштуу эл аралык өзгөчө абал жарыялады.
Cүрөттө: Улуттук банктын өкүлү Аида Карабаева. Республикалык штаб.