Баткенде вирус аныкталган аймакта дезинфекциялоо иштери жүргүзүлүп, блокпосттор коюлду

Баткенде өзгөчө кырдаал киргизилген аймактарды дезинфекциялоо иштери күчөтүлдү. Бул тууралуу коронавируска каршы түзулгөн республикалык штабдан кабарлашты.

Оорулардын алдын алуу жана мамлекеттик санитардык-эпидемиологиялык борборлорунун кызматкерлери:

☑️ 230 мечитте жана 5 медреседе;

☑️ 13 мектепте, 7 орто жана жогорку окуу жайда, 17 мектепке чейинки мекемеде;

☑️ 81 коомдук тамактануу жайында;

☑️ 33 саламаттык сактоо мекемесинде;

☑️ 8 аскердик бөлүгүндө;

☑️ 5 ӨКМ бөлүмүндө;

☑️ 4 базарда дезинфекциялык иштерин аткарышты.

Самаркандек, Ак-Сай, Ак-Татыр айыл аймактарында жарандардын турак үйлөрү да дезинфекцияланды.

Баткен облусунда 54 адам карантинге алынган, алардын 49у – кичи ажылыктан келгендер. Булардын ичинен 21 жаран изоляторго жайгаштырылды.

Бүгүнкү күнгө облустун аймагындагы саламаттык сактоо мекемелеринде 343 изолятор, 456 обсерватор даярдалган.

Коӊшу мамлекеттер менен чек аралаш аймактарына блок посттор коюлууда.