Медициналык беткап саткандар кошумча нарк салыгынан бошотулат
- 5 лет мурун
Кыргыз Республикасынын аймагына жеткирүүдө жана импорттоодо медициналык беткаптар кошумча нарк салыгын төлөөдөн бошотулду.
Тийиштүү чечимге премьер-министр Мухаммедкалый Абылгазиев кол койду.
Бул чечим калкты медициналык багыттагы буюмдар менен камсыз кылуу максатында кабыл алынды.
Дүйнөлүк саламаттык сактоо уюму (ДСУ) 11-мартта коронавирус пандемия мүнөзүнө өттү деп жарыялады.
Бүткүл дүйнөлүк саламаттык сактоо уюмунун калк үчүн жаңы коронавирус инфекциясынын (2019-nCoV) жайылышына байланыштуу негизги сунуштарынын бири милдеттүү түрдө медициналык беткап тагынуу болуп саналат.
Муну бөлүшүү
