Сапар Исаков эгиз уулдуу болду
- 5 лет мурун
Мурдагы премьер-министр, ЖЭБ модернизациясы боюнча камакта жаткан Сапар Исаков эгиз уулдуу болду.
Бул тууралуу ал журналисттерге билдирди.
Жубайы Малика Арстанбекова экөө 4 кызды тарбиялап келишсе, эми аларга эгиз уул кошулду.
Бишкек шаарынын Свердлов райондук соту 2019-жылдын 6-декабрында Бишкек жылуулук электр борборунун модернизациясы боюнча Сапар Исаковду 15 жылга эркинен ажыраткан.
Мурдагы премьер Сапар Исаков Бишкек жылуулук электр борборун модернизациялоодогу жана Улуттук тарых музейин оңдоп-түзөөдөгү коррупцияга шектелип камалган.
Бишкек ЖЭБин жаңылоого байланыштуу кылмыш ишинин алкагында айыпталган Сапар Исаков 2018-жылы 5-июнда камакка алынып, ошондон бери УКМКнын тергөө абагында отурат.
Сүрөт: 24 kg.
Муну бөлүшүү
