Трамп «Аль-Каида» террористтик тобунун лидери өлтүрүлгөнүн жарыялады
- 4 года мурун
Президент Дональд Трамп АКШнын Йемендеги террористтерге каршы операциясында Араб жарым аралындагы «Аль-Каида» террористтик тобунун лидери Касим аль-Райми жок кылынганын жарыялады.
Трамп 6-февралдагы кайрылуусунда «Касим аль-Райминин өлүмү аймакта жана дүйнөдө «Аль-Каида» террористтик тобун алсыратат» деди. Ал Райми качан өлтүрүлгөнүн айткан жок.
Райми 2015-жылы «Аль-Каиданы» АКШнын аба соккусунан өлгөн Нассер ал-Вухайшининин өлүмүнөн кийин башкарып калган. Ал билдирүүлөрүндө АКШга чабуул коюуга чакырган.
Булак: Борбор Азия жаңылыктар кызматы.
Сүрөттө: Касим аль-Райми. AFR.
Муну бөлүшүү
