Жээнбеков жана Токаев «Ата-Бейитке» гүл коюшту
- 5 лет мурун
Президент Сооронбай Жээнбеков жана Казакстан Республикасынын Президенти Касым-Жомарт Токаев бүгүн, 27-ноябрда «Ата-Бейит» улуттук тарыхый-мемориалдык комплексине барышты.
Бул тууралуу Президенттин басма сөз кызматы билдирди.
Мамлекет башчылары 1916-жылдагы каргашалуу окуялардын жүрүшүндө курман болгондордун элесине арналган мемориалга жана жазуучу Чынгыз Айтматовдун бейитине гүл коюшту. Арбактарга багышталып, куран окулду.
Казакстан Президенти Касым-Жомарт Токаев бүгүн, 27-ноябрда мамлекеттик визит менен Кыргызстанга келди.
Муну бөлүшүү
