Футбол таймашына байланыштуу Бишкекте жол кыймылы чектелет
- 5 лет мурун
Бүгүн, 19-ноябрда, Кыргызстандын футбол боюнча курама командасы Тажикстан менен беттешет. Ага байланыштуу борбордо жол кыймылына чектөө киргизилет, айрым көчөлөрдөгү унаа кыймылы саат 17:00 дөн бавштап жабылат.
Бул тууралуу ИИМдин жол кыймылынын коопсуздугун көзөмөлдөө башкармалыгынын басма сөз кызматы билдирди.
Бүгүн саат 17:00 дөн баштап, оюн аяктаганга чейин Тоголок Молдо көчөсү- Чүй проспектисинен Фрунзе көчөсүнө чейин, Фрунзе көчөсү-Исанов көчөсүнөн Панфилов көчөсүнө чейин жабылат.
Жол кыймылынын коопсуздугун көзөмөлдөө башкы башкармалыгы жол кыймылынын башка багыттарын тандап алууну өтүнөт.
2022- жылы өтө турган дүйнө чемпионатына жана 2023-жылдагы Азия кубогуна тандоо турунун экинчи айлампасы башталат. Оюн саат 20: 00 дө башталат.
Сүрөт: КР ФФ.
