​Салык отчётун электрондук түрдө тапшыруу көбөйдү

2019-жылдын 8 айында салык отчётун электрондук түрдө тапшыргандардын саны жыл башына салыштырмалуу 44 миң 360ка көбөйгөн жана 1-октябрга 146 миң 71 колдонуучуну түздү.

Бул тууралуу салык кызматынын басма сөз кызматы билдирди.

Анын ичинде 136 миң 58 салык төлөөчү отчетторун жөнөкөй электрондук кол тамгасы менен, ал эми 3 миң 257 – МСКнын www.salyk.kg сайтынан “Салык төлөөчүнүн кабинети” электрондук сервис аркылуу, квалификациялуу электрондук кол тамганы колдонуу менен тапшырышат. Мындан тышкары, сервис операторлору аркылуу салык отчетторун 6 миң 656 адам тапшырууда.

Салык кызматы электрондук кызматтарды кеңейтүү жана санариптештирүү боюнча маанилүү долбоорлорду ишке ашыруу боюнча иштерди улантат.

Ушул жылдын 1-июлунан тартып кошумча нарк салыгынын электрондук эсеп-фактураларын берүү боюнча пилоттук долбоор ишке киргизилген. Ошондой эле, 1-июлдан тартып кошумча нарк салыгын төлөөчүлөр, импорттоочулар жана экспорттоочулар салык отчетторун милдеттүү түрдө квалификациялуу электрондук кол тамгасы коюлган электрондук документ түрүндө берүүгө өтүштү.