​Кеминдеги Талды-Булак кенинен 2019-жылы 3800 кг алтын өндүрүлөт

Биринчи вице-премьер-министр Кубатбек Боронов Жогорку Кеңештин отун-энергетикалык комплекс жана жер казынасын пайдалануу боюнча комитетинин Чүй облусунун Кемин районундагы Талды-Булак Левобережный кенинде өткөн көчмө жыйынына катышты.

Бул тууралуу өкмөттүн маалыматтык кызматы билдирди.

«Кемин келечеги» коомдук фонду түзүлгөндөн тартып «Алтынкен» ЖЧК райондун инфра түзүмдүк базасын, медицинасын жакшыртууга, курулуш иштерине дээрлик 2 млн АКШ долларын которгону тууралуу Боронов билдирди.

Айта кетсек, «Алтынкен» ЖЧК 2006-жылы катталган. Коомдун катышуучусу кытайлык «Суперб Пасифик Лимитед» гонконг компаниясы, ал 60% үлүшкө ээ. Анын башкы компаниясы кытайлык «Цзыцзинь Майнинг» кен корпорациясы болуп саналат. Экинчи катышуучусу ишкананын уставдык капиталында 40% үлүшү бар «Кыргызалтын» ААКсы.

Бүгүнкү күнү ишканада 1500 миңден ашуун кызматкер иштейт, алардын 95% Кыргыз Республикасынын жарандары болуп саналышат. 2018-жылы кенде 3226 кг алтын өндүрүлгөн.

Кыргыз Республикасынын бюджетине салык, бажы жана башка төлөмдөр боюнча чегерүүлөр 4 млрд сомдун тегерегин түзгөн. 2019-жылы 3800 кг алтын өндүрүү пландалууда. Дүң киреше 12 млрд сомду түзөт. Ошол эле учурда салыктык түшүүлөр 13 млрд сомду түзөрү пландалган.