ӨКМ: “Бишкекте эртең сирена үнү жаңырат”
- 5 лет мурун
Бишкек шаарынын калктуу конуштарында эртең, 2-октябрда, саат 11:00 тартып калкты кабарлоо системасы аркылуу сирена үндөрү жаңырат.
Бул тууралуу өзгөчө кырдаалдар министрлигинин басма сөз кызматы билдирди.
Жарандык коргонуу даярдыгына ылайык, Бишкек шаарында командалык-штабдык машыгуу өткөрүлөт.
Ошого байланыштуу өзгөчө кырдаалдар министрлиги Бишкек шаарынын тургундарына сиренанын үнүнө тынчсызданбоону эскертет.
Иш-чаранын негизги максаты- калкты өзгөчө кырдаалдардан сактоо, ар кандай кырдаалга даяр болуу.
Муну бөлүшүү
