Аманкулов курчап турган чөйрөнү коргоо жана токой чарба агенттигине директор болду
- 5 лет мурун
Мирслав Аманкулов курчап турган чөйрөнү коргоо жана токой чарба агенттигине директор болуп дайындалды.
Бул тууралуу буйрукка премьер-министр Мухаммедкалый Абылгазиев 6-сентябрда кол койгонун өкмөттүн маалыматтык кызматы билдирди. Ал буга чейин иштеп келген маданият, маалымат жана туризм министрлигинин алдындагы «Витязь» мамлекеттик ишканасынын директору кызматынан бошотулду.
Мирслав Аманкулов 1960-жылы 10-ноябрда туулган. «Ысык-Көл» биосфера аймагынын директору болгон.
Буга чейин агенттикти жетектеп келген Абдыкалык Рустамов жана анын жардамчысы Арслан Ибраев 30-июлда пара, 2 000 АКШ долларын алып жаткан учурда кармалган.
Бишкектин Биринчи май райондук соту Рустамовду жана анын жардамчысы Ибраевди эки айга камоо чечимин чыгарган.
Сүрөттө: Мирслав Аманкулов (ортодо). Интернет булактарынан.
