Турускулов: “Өкмөттө саясий эрк болушу керек”

Бүгүн, 25-апрелде, Жогорку Кеңеште Өкмөттүн жылдык жыйынтыгы талкууланып жатканда депутат Жыргалбек Турускулов Өкмөттө саясий эрк болушу, кардиналдуу реформага барышы керектигин айтты.

—Сизге чейинки өкмөт башчылар бир жылга жетип-жетпей кеткен. Сизге бир жыл иштөөгө мүмкүнчүлүк болду.

Азыр бардык тармакта көйгөйлөр бар” деди Турускулов.

Анда ары депутат ар бир тармактагы көйгөйлөрдү учкай санап өттү.

— Айыл чарба тармагы иштөө системасын өзгөртүү керек;

— Саламаттык сактоодо максатсыз чыгымдарды азайтуу, заманбап саламаттык сактоо мекемелерин куруу керек;

— Энергетика тармагында ГЭСтерди реконструкциялоо, кайра жанма энергия булактарын өнүктүрүү керек. Тармак 100 млрд сомдон ашык карызга батты;

— Сунушум—50 дөн ашык жеке менчик компанияларынын тариф саясатын карап чыгуу керек. Кайсы компания канча салым салганын карап чыгуу. “Улуттук энергохолдинг” максатына жеткен жок;

— Кыргызстан эки баскыч бюджетке өткөн, бирок максатка жеткен жокпуз;

— Губернатор институтун жоюу керек. Акимдерге укук бериш керек, айыл аймактарын бириктириш керек.

— Көмүскө экономиканы ачыкка чыгаруу;

— Айлык акыны карталык системага өткөрүү;

— Бажыдан кирип-чыгып жаткан товарларды көзөмөлгө алуу;

— Темир жол курууну тездетүү;

— Кадр саясатында жетекчиге кадр алууга укук берүү;

— Аппарат ичиндеги бюрократиядан арылуу;

— Кардиналдуу, тез, ыкчам кадамдарга баруу;

— Саясий эрк болуш керек,- деди депутат Турускулов Премьер-министр Мухаммедкалый Абылгазиевге кайрылып.