Казакстанда жол кырсыгынан 11 киши каза тапты
- 5 лет мурун
Казакстандын Ички иштер министрлигинин басма сөз кызматы автобустагы жол кырсыгынан 11 киши каза болуп, 29 киши жабыркаганын билдирди.
Жол кырсыгы Жамбыл облусунун Кордой районунда бүгүн эртең мененки саат 5 терде болгон.
Алматы-Ташкент жолунун 181-чакырымында Тойота Камри машинасы жол боюнда токтоп турган жүк ташуучу машинаны сүзгөн. Анын артынан келе жаткан автобус кагылыштын алдын-алам дегенде автобус ала салып кеткен.
Кырсыктан сегиз киши ошол жерден жан берди, дагы үчөө ооруканадан каза тапты. Каза болгондор Өзбекстандын жарандары.
Казакстан Президенти Касым-Жомарт Токаев каза болгондордун жакындарына көңүл айтты.
Кырсык боюнча иликтөө жүрүп жаткандыгы маалымдалды.
Сүрөт: Интернет булактарынан.
Муну бөлүшүү
