“Ар бир облуска “Кыргыз туризм” өкүлү бекитилиши керек”
- 5 лет мурун
Вице-премьер-министр Алтынай Өмүрбекованын төрайымдыгы алдында Туризмди өнүктүрүү боюнча ведомстволор аралык комиссиянын жыйыны өттү.
Бул тууралуу Өкмөттүн маалыматтык камсыздоо кызматы кабарлады.
2018-жылдагы туристтик маалдын жыйынтыгы чыгарылды жана «Кыргыз туризм» мамлекеттик ишканасын өнүктүрүү концепциясы сунушталды.
Вице-премьердин айтымында, өткөн жылы Кыргызстанга алыскы жана жакынкы чет өлкөлөрдөн 6 946,5 адам келип- кеткен. Туристтик ишмердиктен республикалык бюджетке 107 054,9 миң сом салык төлөмдөрү түшкөн.
«Ар бир облуска «Кыргыз туризм» мамлекеттик ишканасынын өкүлү бекитилиши зарыл”,- деди Өмүрбекова.
Жыйында 2019-жылдагы жайкы туристтик маалга даярдануу жана өткөрүү планы кабыл алынды.
Сүрөт: Өкмөттүн маалыматтык камсыздоо кызматыныкы.
