7-кабаттан кулаган өспүрүм каза болуп калды
- 5 лет мурун
Бишкекте 4-апрелде 7-кабаттан кулаган өспүрүм каза болуп калды.
Бул тууралуу Бишкек шаардык Ички иштер башкармалыгынын басма сөз кызматы билдирди.
Кечээ болжолдуу саат 21:50 дө Бишкек шаарынын Октябрь райондук ИИБине көп кабаттуу үйдөн өспүрүм кулап түшкөнү тууралуу кабар келген.
Ыкчам топ ал жакка барганда, жерде жаткан 2007-жылы туулган Б.А. аттуу баланын 7-кабаттан кулап түшкөнүн аныктаган.
Өспүрүм эс учун билбей жаткан, аны “Тез жардам” №3 ооруканага алып кеткен. Бала ооруканадан кайтыш болуп калган.
Бул факты Кылмыштардын жана жоруктардын бирдиктүү реестрине катталган жана сотко чейинки тергөө иштери жүрүүдө.
Сүрөт: Бишкек шаардык ИИБ басма сөз кызматыныкы.
Муну бөлүшүү
