Абылгазиев Баткенге барат
- 6 лет мурун
Премьер-министр Мухаммедкалый Абылгазиев бүгүн, 1-апрелде, Баткен облусуна жумуш сапары менен барат.
Өкмөт башчы чектеш айылдардын жолдордун абалын текшерип чыгат, ошондой эле Баткен районунун Ак-Сай айылынын тургундары менен жолугушат, орто мектепке барат.
Бул тууралуу Өкмөттүн маалыматтык камсыздоо кызматы кабарлады.
Айта кетсек, Баткендин Ак-Сай айлында, кыргыз-тажик чек арасында, 13-мартта кыргыздар менен тажик жарандарынын ортосунда жаңжал чыккан.
Жаңжал Аксай-Тамдык жолуна байланыштуу болуп, эки тарап таш ыргытышып, каршылашууга барышкан. Чек арачылар тарабынан ок да жаңырган.
Ак-Сай айлынан жаш балдар, аялдар убактылуу чыгарылып кеткен.
Жанжалдын негизинде эки тараптан тең жабыркагандар,тажик тараптан курмандыктар болгону кабарланган.
Эки өлкөнүн өкмөттүк сүйлөшүүлөрүнөн кийин тараптар келишимге келишкен.
