​Талибдердин таасири күн санап күч алууда

Жаңылыктар

Афганистандагы кырдаал күн сайын курчуп баратат. Афганистандын өкмөттүк аскерлери улам-улам позицияларын алдырып, жеңилүүгө дуушар болууда.


Буга чейин Тажикстан чектешкен түндүк провинциялар талиб аскерлеринин колуна өтүп жатса, 5-июль күнү Түркмөнстан менен чек аралаш Андхой провинциясын «Талибан» кыймылы басып алды.


Ушул жылдын январь айында эле Акина-Андхой темир жол тилкеси Түркмөнстан менен Афганистандын президенттеринин катышуусунда ачылган.


Андхойдогу Акина порту аркылуу Афганистандын бир катар райондору азык-түлүк продуктуларын Түркмөнстандан ташып келишчү. Акыркы окуялардан кийин ал жакта кымбатчылык орун алып, эл арасында ачарчылык болобу деген кооптонуу күчтүү экенин «Menafn» басылмасы кабарлады.


Фото интернеттен алынды