Токтогул суу сактагычындагы суунун көлөмү кооптуу чекке жетти
- 3 года мурун
«Электр станциялары» ААКынын башкы директору Таалайбек Бектенов мындай маалыматты компаниянын акционерлери чогулган жыйналышта айтты.
28 — апрелге карата Токтогул суу сактагычындагы суунун көлөмү 8 млрд. 648 миллион метр кубду түздү. 2020 — жылы ушул күнү суу сактагычтагы суунун көлөмү 11 499 метр куб болчу.
«8,6 млрд. метр куб — кооптуу сан. Бул тийиштүү болгон 9,7 млрд. метр кубдан да төмөн. Электр энергиясын иштеп чыгуу былтыркыга караганда 303 млн кВт саатка көп болду. Бул импорттун 447,4 млн кВт саатка азайышы жана электр энергиясын колдонуу 275,9 млн кВт саатка көбөйүшү менен байланыштуу», — дейт Таалайбек Бектенов.
Фото интернеттен алынды
Муну бөлүшүү
