Жоокердин сабалышы боюнча  кылмыш иши козголуп, шектүү камакка алынды  

Өзгөчө кырдаалдар министрлигинин аскер бөлүгүнүн анык мөөнөттүү аскер кызматкери, катардагы жоокер Бекзат Эсенбеков Бишкек шаарынын 4-ооруканасына табарсыгы жарылып жаткырылгандыгы тастыкталган.

Бул тууралуу башкы прокуратуранын басма сөз кызматы билдирди.  

Бул факты Бишкек гарнизонунун аскер прокуратурасынын маалыматтардын электрондук журналына катталып, тергөөгө чейинки текшерүү башталган.

Текшерүүнүн жүрүшүндө 7-июнда Бишкек гарнизонунун аскер прокуратурасына катардагы жоокер Б.Эсенбековдун атасы Э.Смаилов арыз менен кайрылып, анда 86123 аскер бөлүгүнүн контракттык

негиздеги аскер кызматкери прапорщик Ж. уулу Т. Га чара көрүүнү суранган.

7-июнда Бишкек гарнизонунун аскер прокуратурасы тарабынан кылмыш-жаза кодексинин 338-беренесинин 2-бөлүгүнүн 2-пунктунда көрсөтүлгөн кылмыштын белгилери менен кылмыш иши козголгон.

Ал эми өзгөчө кырдаалдар министрлигинин 86123 аскер бөлүгүнүн контракттык негиздеги аскер кызматкери Ж. уулу Т. кылмыш-жаза кодексинин 96-беренесинин негизинде камакка алынды.

Иллюстрациялык сүрөт.