Жалал-Абадда дүйнө чемпионун тосуп алышты
- 2 года мурун
Бүгүн, 4-ноябрда, Жалал-Абад шаарынын кире беришинен дүйнөлүк чемпионаттан биринчиликти жана байгелүү орундарды багындырган спортчуларды тосуп алуу иш-чарасы өттү.
Бул тууралуу Жалал-Абад облустук ички иштер башкармалыгынын басма сөз кызматы билдирди.
«Белбоо күрөшү» боюнча биринчилик Татарстандын Казань шаарында 28-31-октябрь күндөрү өткөрүлгөн. 75 кг салмакта ИИМдин «Шумкар» атайын багыттагы полкунун Жалал-Абад шаарындагы өзүнчө ротасынын кызматкери, милициянын старшинасы Ирлан Казбек уулу 1-орунду жеңип алган.
Спортчуларды тосуп алуу аземине Президенттин Жалал-Абад облусундагы ыйгарым укуктуу өкүлчүлүгүнөн, облустун ички иштер башкармалыгынан өкүлдөр, машыктыруучулар, коомчулук өкүлдөрү, спортчулар катышты.
Спортчулардын ийгиликтери облус үчүн чоң жетишкендик экендиги белгиленип, сыйлыктар тапшырылды.
