Виртуалдык активдер жана блокчейн боюнча улуттук кеңеш түзүлдү

Президентке караштуу Виртуалдык активдер жана блокчейн-технологиялар чөйрөсүн өнүктүрүү боюнча улуттук кеңеш түзүлдү.

Бул тууралуу президенттин сайтында маалымат берилди.

Кеңештин негизги милдеттери виртуалдык активдерди жана блокчейн-технологияларды өнүктүрүү чөйрөсүндө мамлекеттик саясаттын негизги багыттарын аныктоо;

— виртуалдык активдер жана блокчейн-технологиялар чөйрөсүндө Кыргыз Республикасында инвестициялык климатты жакшыртуу,  бул багытта жөнгө салуучу ченемдик укуктук базасын өркүндөтүү, аталган чөйрөнү өнүктүрүүгө чет өлкөлүк компанияларга көмөк көрсөтүү;

— экономиканы дүйнөлүк экономикалык процесстерге интеграциялоо;

– экономикага чет өлкөлүк инвестицияларды тартуу стратегиясы;

– инновациялык программал жана долбоорлорун ишке ашыруу болуп саналат.  

Президентке караштуу инвестициялар боюнча улуттук агенттиктин директору Кеңештин катчылыгынын жетекчиси болуп саналат. 

Виртуалдык активдер жана блокчейн-технологиялар чөйрөсүн өнүктүрүү боюнча улуттук кеңештин курамы:

Кыргыз Республикасынын президенти, Улуттук кеңештин төрагасы;

Министрлер кабинетинин төрагасы Улуттук кеңештин төрагасынын орун басары;

Министрлер кабинетинин төрагасынын орун басары – Улуттук коопсуздук мамлекеттик комитетинин төрагасы, Улуттук кеңештин төрагасынын орун басары.

Улуттук кеңештин мүчөлөрү:

Экономика жана коммерция министри;

финансы министри;

ички иштер министри;

санариптик өнүктүрүү жана инновациялык технологиялар министри;

 юстиция министри;

Президенттин администрациясынын жетекчисинин орун басары –президенттин администрациясынын президенттин жана Министрлер кабинетинин чечимдерин даярдоо боюнча башкармалыгынын башчысы;

Президентке караштуу инвестициялар боюнча улуттук агенттиктин директору, Улуттук кеңештин катчылыгынын жетекчиси;

виртуалдык активдерге жана блокчейн-технологияларга адистешкен жергиликтүү жана чет өлкөлүк компаниялардын өкүлдөрү жана эксперттери (макулдашуу боюнча).

Сүрөт: president.kg