ТИМ: Кытайда кырсыкка учураган учакта кыргыз жарандары жок
- 2 года мурун
Кытайда кырсыкка учураган учактын ичиндегилердин арасында кыргызстандык жарандар жок экенин Кыргызстандын тышкы иштер министрлиги (ТИМ) Гуанчжоу шаарындагы башкы консулдуктун маалыматына таянып, 21-мартта билдирди.
21-мартта Кытайдын түштүк жагында China Eastern Airlines авиакомпаниясына таандык Boeing-737 учагы кулаганын өлкөнүн Борбордук телеканалы кабарлаган.
Учакта 133 жүргүнчү жана экипаждын мүчөлөрү бар экени маалымдалган, алар тууралуу азырынча так маалымат бериле элек. Баштапкы кабарларга караганда, учак Гуанси-Чжуан автономдук районундагы Тэн деп аталган уезддеги тоону сүзүп алган. Окуя болгон жерде өрт чыккан.
Муну бөлүшүү
