Темирболот Абыкеев Баткен шаарынын мэри болуп дайындалды

Темирболот Абыкеев Баткен облусунун Баткен шаарынын мэри болуп дайындалды. Бул тууралуу тескемеге президент Садыр Жапаров кол койду.

Буга чейин Темирболот Абыкеев Ош облусунун Кара-Суу районунун мамлекеттик администрациясынын башчысы – аким кызматынан 2024-жылы бошотулган.

Кара-Суу районунун ал кездеги акими Темирболот Абыкеев пара алууга шектелип кармалган  жана кйинчерээк акталган.

Ош шаардык соту 23-июлда кечинде Кара-Суу районунун акими Темирболот Абыкеевдин бөгөт чарасын карап, аны эч жакка чыкпоо кепилдиги менен бошотуу чечимин кабыл алган. Темирболот Абыкеевдин аталган ишинде кылмыш жоктугуна байланыштуу деген себеп менен кыскартылган.

2024-жылдын 24-июнунда ОшТВ журналисттери аким Абыкеевдин тойдо жүргөнүн тартканда, аким журналисттин телефонун тартып алган. Ал эми 30-июнда блогер Гүлпери Жанышбек кызы кармалган. Жанышбек кызы Фейсбук баракчасына “Мени подстава кылышты, аким максатына жетти” деген билдирүү калтырган.

Темирболот Абыкеев президенттин кеңешчиси Чолпонбек Абыкеевдин инилери болот.

Сүрөттө: Темирболот Абыкеев. Интернет булактарынан