Таластагы мал базардагы уурулук: Шектүүнү эл сабап, байлап салган. Милиция тергөө жүргүзүүдө (Видео)

Бүгүн, 30-апрелде, эртең менен ​ Талас районуна ​ караштуу мал базардан ууру кармалгандыгы тууралуу видео тасмалар интернет тармактарына жайылган.​ Ал видео боюнча, эл болжол менен 25-30 жаштагы азиялык түспөлдөгү белгисиз бир кишини акча уурдады деген шек менен кармап​ алышкан.

Бул окуя боюнча Талас облустук ички иштер башкармалыгынын (ИИБ) басма сөз кызматы маалымат берди.   ​ ​ ​ ​

Маалыматта айтылгандай, аталган билдирүү Талас райондук ички иштер башкармалыгынын​ маалыматтарды эсепке алуу электрондук журналына катталган. ​ Окуя болгон жерге Талас райондук ИИБдин тергөө ыкчам тобу барып текшерүү иштерин баштаган. ​Текшерүү учурунда ​ Бишкек шаарынын тургуну​ өзүн​ 1993-жылы туулган. Ш. уулу​ Э. деп тааныштырган жаранды​ мал базарда жүргөн жарандар “чөнтөккө кол салып, уурулук жасаган” деп, мал базардын батыш тарабындагы электр жарык берүүчү темир карагайга колунан​ жана белинен​ жип менен байлап коюшкандыгы аныкталган.

Текшерүү учурунда​ Талас облусунун Кара-Буура районунун Бакайыр айылынын​ 1976-жылы туулган ​ М.И. аттуу жаран мал базардан​ 60 миң сом акчасын уурдатып жибергендиги боюнча арыз менен кайрылган.

Мындан тышкары Талас облусунун Кара-Буура районунун Чолпонбай айылынын 1999-жылы туулган Ж. уулу К. дагы мал базардан​ кол сумкасынын ичинен 6 миң сомун уурдатып жибергенин билдирген.

Кармалган жаран милиция кызматкерлери тарабынан Талас райондук милицясына алынып келинген. Ал Ысык-Көл районунун Григорьевка айылынын,​ 1989-жылы туулган  А. Э. экени аныкталган. Текшерүүдө анын жанынан жалпы 35 миң 200 сом лынган.

Окуя болгон аймакта бекитилген күзөт графиги боюнча Талас райондук ИИБдин бир нече кызматкери ​ иш-алып барып жатышкан. Ага медициналык жардам көрсөтүү максатында ​ аймактык ооруканага алынып барылып, анын саламаттыгына коркунуч келтирилбегени аныкталган.

Шектүүнү милицияга алып келишип, тек-жайын тактап, иликтөө иштерин жүргүзүп ​ жатышат.

​Кармалган шектүү боюнча, мыйзам чегинде ​ чечим кабыл алуу максатында текшерүү иштери жүргүзүлүп ​ жаткандыгы маалымдалды.

Сүрөт: Талас облустук ИИБ басма сөз кызматы.