“Саламат жүрөк” улуттук программасы бекитилди
- 3 месяца мурун
Садыр Жапаров “2025–2030-жылдарга “Саламат жүрөк” улуттук программасы жөнүндө” жарлыкка кол койду.
Бул тууралуу президенттин расмий сайтында маалымат берилди.
Маалыматта айтылгандай, Кыргызстанда жүрөк-кан тамыр оорулары калктын өлүмүнүн башкы себеби болуп саналат. Улуттук статистика комитетинин маалыматтары боюнча, 2023-жылы жүрөк-кан тамыр ооруларына өлүмдүн бардык учурларынын жарымынан көбү (52,3 %) туура келген.
Программанын негизги максаты — жүрөк-кан тамыр ооруларынан жана жугуштуу эмес оорулардан өлүмдү 25 %га азайтуу жана социалдык-экономикалык жүктү жеңилдетүү болуп саналат.
Иллюстрациялык сүрөт: Интернет булактарынан
Муну бөлүшүү
