Орто-Сай айылында үйдөн өрт чыгып, эки киши жабыркады
- 2 месяца мурун
Бүгүн, 21-мартта, Бишкек шаарына караштуу Орто-Сай айылынын Ормокоев көчөсүндө жайгашкан турак үйдөн өрт чыкты.
Бул тууралуу Өзгөчө кырдаалдар министрлиги (ӨКМ) билдирди.
Өрттү өчүрүүгө өрт өчүрүүчү 3 унаа жана штаб тартылган. Өрт саат 14:01де өчүрүлгөн.
ӨКМдин Бишкек шаары боюнча башкармалыгынын ыкчам нөөмөтчүсүнүн берген маалыматына ылайык, өрттүн аянты болжол менен 300 ч.м. түзгөн.
Кырсыктын кесепетинен эки киши жабыркаган. Өрттүн кесепетинен 1957-жылы туулган К.О. аттуу аял жана 1987-жылы туулган К.С. аттуу эркек киши колунан күйүк алган.
Сүрөт: ӨКМ
Муну бөлүшүү
