Нооруз-2024: “Ала-Тоо” аянтында майрамдык иш-чара өтөт
- 1 месяц мурун
Бишкек шаарынын мэриясы «Нооруз-2024» жаз майрамына арналган майрамдык программа даярдаганын билдирди.
Быйыл жаз майрамынын урматына 20-марттан 22-мартка чейин бир катар иш-чаралар өткөрүлөт.
Ала-Тоо борбордук аянтында бул күндөрү көргөзмө, мастер-класстар, спорттук оюндар, ошондой эле улуттук тамак-аш менен тамактануу аянтчалары уюштурулат.
20-мартта саат 13:00дө Ала-Тоо аянтында улуттук спорт оюндары башталат. Саат 14:00дөн 22:00гө чейин шаардыктарга концерттик программа тартууланат.
21-мартта саат 09:00дө Ала-Тоо аянтында майрамдык иш-чара өтөт.
21-мартта саат 12:15тен 22: 00гө чейин шаардыктарды эстрада жылдыздарынын катышуусунда концерттик программа күтөт.
22-мартта саат 10:00дө Улуттук спорттук оюндар башталат. Саат 14:00дөн 22: 00гө чейин шаардыктарды концерттик программа күтөт.
Иллюстрациялык архивдик сүрөт. Интернет булактарынан.
