Нарын облусунда жарым жылда үй-бүлөлүк зомбулуктун 132 учуру катталды
- 2 года мурун
Нарын облусунун прокуратурасы тарабынан 2022-жылдын 6 айына карата үй-бүлөлүк зомбулук боюнча 132 факты катталды.
Бул тууралуу Башкы прокуратуранын басма сөз кызматы билдирди.
Катталган зомбулук фактыларынын ичинен 118 (89,4 %) учур аялдарга, 13 (9,8%) учур жашы жете электерге карата жасалгандыгы аныкталды. 64 (48,5%) физикалык зомбулук учуру катталса, 68 (51,5%) учурпсихологиялык зомбулук жасалган.
Үй-бүлөлүк зомбулуктун алдын алуу үчүн райондук администрация тарабынан тийиштүү иш-чаралар жүргүзүлбөгөндүктөн, район башчыларынын орун басарларына “Укук бузуулар жөнүндөгү” Кодекстин 435-беренесинин негизинде 5 укук бузуу иши козголду.
Сот тарабынан тийиштүү чечимдер кабыл алынып, алар административдик жоопкерчиликке тартылуу менен бирге, ар бирине 10 миң сомдон айып пул салынды.
Иллюстрациялык сүрөт: Интернет булактарынан.
