Милиция кызматкерлери бейбаштык кылган топту кармады

5 месяцев мурун

Кылмышка шектүү катары жазык-процессуалдык кодексинин 96-беренесинин негизинде 1985-жылы туулган М.А., 1981-жылы туулган А.Н., 1984-жылы туулган С.Р., 1981-жылы туулган Т.Э., 1988-жылы туулган И.И. жана 1984-жылы туулган С. М. аттуу жарандар кармалып Бишкек шаардык ички иштер башкармалыгынын (ИИБ) убактылуу кармоочу жайына киргизилди.

Бул тууралуу Бишкек шаардык ИИБ басма сөз кызматы билдирди.

Маалыматта айтылгандай, 7-апрелде Бишкек шаарынын Ленин райондук ички иштер башкармалыгына Б.Д. аттуу жаран арыз менен кайрылып, Р.С., А.М., Э.Т., Н.П., С.Т., Н.А. аттуу жарандарга чара көрүүнү суранган. Себеби алар 2024-жылдын 6-апрелинде коомдук тамактануу жайларынын биринде уруп-согуп денесине залал келтирип, узак убакытка мыйзамсыз кармап турушканын билдирген.

Бул факт боюнча Бишкек шаарынын Ленин райондук ички иштер башкармалагынын тергөө кызматы тарабынан кылмыш-жаза кодексинин 280-беренеси (бейбаштык) менен кылмыш иши козголуп, соттук-медициналык экспертиза дайындалган.

Учурда жогоруда аталган кылмышка шектүү катары жазык-процессуалдык кодексинин 96-беренесинин тартибинде 1985-жылы туулган М.А., 1981-жылы туулган А.Н., 1984-жылы туулган С.Р., 1981-жылы туулган Т.Э., 1988-жылы туулган И.И. жана 1984-жылы туулган С. М. аттуу жарандар кармалып Бишкек шаардык ички иштер башкармалыгынын убактылуу кармоочу жайына киргизилди.

Кылмыш иши боюнча тергөө иштери улантылууда.