Май майрамдарында Ала-Арча жаратылыш паркына чейин автобус каттамы уюштурулат
- 4 недели мурун
Май майрамдарына байланыштуу 1-майдан 11-майга чейин борбор калаада “Ала-Арча” жаратылыш паркына чейин автобус каттамы уюштурулат.
Бул тууралуу Бишкек мэриясы билдирди
Каттамдын акыркы аялдамалары Турдакун Усубалиев атындагы аянтта жана Ала-Арча жаратылыш паркында жайгашат.
Маалыматта айтылгандай, жол кире накталай төлөөдө – 50 сом, накталай эмес төлөөдө – 40 сом болот. Автобустар саат 08:00дөн 19:00гө чейин каттайт, зарыл болгон учурда иш тартиби кайрадан каралып чыгат.
Каттамды газ менен жүргөн 12 метрлик заманбап ISUZU автобустары тейлейт.
Мындан тышкары, Ала-Арча жаратылыш паркынын ичинде акысыз негизде эки жаңы электробус каттайт.
Сүрөт: Бишкек шаардык мэриясынын басма сөз кызматы
Муну бөлүшүү
