Өлкө башчы жети райондун акимдерин кызматтан алып, эки мэрге сөгүш берди

Президент Садыр Жапаров өлкөнүн бир нече райондорунун акимдерин кызматтан алды. Ошондой эле Каракол жана Талас шаарларынын мэрлерине сөгүш берди. Бул тууралуу Президенттин басма сөз кызматы 21-февралда билдирди.

Маалыматка ылайык, президент төмөнкү акимдерди кызматтан алды:

Ош облусунун Ноокат районунун мамлекеттик администрациясынын башчысы – аким Субагожоев Жакыпбек;

Баткен облусунун Баткен районунун мамлекеттик администрациясынын башчысы – аким Жоробаев Учкунбек;

Жалал-Абад облусунун Базар-Коргон районунун мамлекеттик администрациясынын башчысы – аким Карагулов Мирлан;

Ысык-Көл облусунун Ак-Суу районунун мамлекеттик администрациясынын башчысы – аким Насиров Мунарбек;

Ош облусунун Араван районунун мамлекеттик администрациясынын башчысы – аким Кулубаев Сейтек;

Талас облусунун Манас районунун мамлекеттик администрациясынын башчысы – аким Жээнбеков Досмамбет;

Талас облусунун Талас районунун мамлекеттик администрациясынын башчысы – аким Нармырзаев Нургазы.

Ошондой эле өлкө башчы Каракол шаарынын мэри Алжамбаев Фархат Абды-Хамитовичке жана Талас шаарынын мэри Астанакулов Байышбек Кахромановичке жүктөлгөн эмгек милдеттерин талаптагыдай аткарбагандыгы үчүн сөгүш жарыялаган.

Сүрөт: president.kg