Кыргызстанда бүгүн — аза күтүү күнү
- 2 года мурун
9-сентябрь Кыргыз Республикасында улуттук аза күтүү күнү деп жарыяланды. Бул тууралуу мамлекет башчынын жарлыгы чыккан.
Тажикстандын агрессиясынын айынан мамлекеттик чек аранын кыргыз-тажик тилкесинде жарандарыбыз курман болду.
Каза болгондорго терең кайгыруу менен аза күтүп, алардын туугандарынын жана жакындарынын кайгысын тең бөлүшүп, токтом кабыл алынды.
- Кыргыз Республикасында 2022-жылдын 19-сентябры улуттук аза күтүү күнү деп жарыялансын;
- Улуттук аза күтүү күнү өлкөнүн бүткүл аймагында, ошондой эле чет өлкөдөгү дипломатиялык жана консулдук мекемелердин имараттарында Кыргыз Республикасынын мамлекеттик туулары ылдый түшүрүлсүн;
- маданият мекемелерине жана телерадиокомпанияларына улуттук аза күтүү күнү оюн-зоок иш-чараларын жана берүүлөрүн токтотуу сунушталсын,-деп айтылат токтомдо.
Кыргызстандын Чек ара кызматы 16-сентябрда тажик тарап ок атышууну баштаганын билдирген.
Тажикстандын Кыргызстанга кол салуусунан 18-сентябрь саат 22:00гө карата жаракат алып, саламаттык сактоо уюмдарына кайрылгандардын жалпы саны-144 адам. Каза болгондордун жалпы саны — 59 адам.
Учурда Баткен облусу боюнча жалпы 136 миң 770 жаран коопсуз аймакка эвакуацияланды.
Ош облусунун Чоң-Алай районунун Жекенди айыл аймагынын жалпы 5301 жаран коопсуз жайларга эвакуацияланган.
