Кыргыз-тажик чек арасында Тажикстан миномет, гранатомет колдонууда
- 3 года мурун
27-январга саат 20:30га карата УКМКнын Чек ара кызматынын басма сөз кызматынын билдирүүсүнө караганда, кыргыз-тажик чек арасындагы кырдаал курчуп турат.
Кыргызстан жана Тажикстандын чек ара кызматтарынын өкүлдөрүнүн сүйлөшүүлөрүндө тастыкталгандай, Баткен-Исфана жолунун Төрт-Көчө жергесиндеги жол Тажик жарандары тарабынан бир тараптуу жабылган. 27-январда саат 19:30ка карата жол кайрадан ачылган.
Бирок саат 19:35те тажик тарап Баткен районунда Чыр-Дөбө жергесинде ок атуучу курал колдонулгандыктан, абал оорлоп кеткен.
Ок атышуу Төрт-Көчө жана Чыр-Дөбө тарапта болууда. Тажик тарап миномет жана гранатомет колдонуп жатканын Чек ара кызматынын басма сөз кызматы билдирди.
Улуттук коопсуздук боюнча мамлекеттик комитеттин Чек ара кызматы бүгүн, 27-январда кечки саат 18:30дар чамасында Тажикстан Баткен-Исфана жолунун Төрт-Көчө аймагын бир тараптуу жаап койгонун кабарлады.
Сүрөт: Видеодон.
