ӨКМ: Ош облусунда жер титирөөдө жабыркаган үйлөр, соцобъектилер аныкталды

Ош облусунда кечээ, 12-мартта  катталган жер титирөөнүн кесепетинен жалпы 25 турак үй, 12 мектеп, бала бакча,  үй-бүлөлүк дарылоо жайы жабыркаган. Бул тууралуу өзгөчө кырдаалдар министрлиги( ӨКМ)  билдирди.

ӨКМ райондор боюча жабыркаган үйлөрдүн жана социалдык объекттерди тизмектеди.

Алар:

Алай району боюнча: 13 турак үй;

— анын ичинен 1 турак үй кооптуу.

Жаңы-Алай айылында турак үйлөрдүн дубалдарында жаракалар пайда болгон.

Жерине райондук жарандык коргонуу комиссиясы тартылып, турак үйлөрдөгү эски жаракалар жер титирөөдөн чоңойгондугун аныкташып, акт түзүлгөн. 7 турак үй камсыздандыруудан өткөн, 6 турак үй камсыздандыруудан өткөн эмес.

Ал эми Кара-Суу району боюнча:

— 12 мектеп;

— 12 турак үй;

— 1 бала бакча;

— 1 үй-бүлөлүк дарылоо жайы.

Жоош айыл аймагынан:

— 7 мектеп;

— 1 бала бакча;

— 1 турак үйдүн,

Ала-Тоо айыл аймагынан 1 мектептин;

Датка айыл аймагынан 3 мектептин;

Мады айыл аймагынан 7 турак үй, 1 үй бүлөлүк дарылоо жайы;

Савай айыл аймагынан 1 мектеп, 3 турак үй;

Баш-Булак айыл аймагынан 1 турак үйдүн дубалында жаракалар пайда болгон.

Жерине райондук жарандык коргонуу комиссиясы тартылып, турак үйлөрдөгү эски жаракалар жер титирөөдөн чоңойгондугун аныкташып, акт түзүлгөн. 4 турак үй камсыздандыруудан өткөн, калган үйлөр камсыздандыруудан өткөн эмес.

Сейсмология институтунун маалыматына ылайык, 12-мартта саат 09:11де Ош шаарында күчү 5 баллга жеткен жер титирөө катталды.

Жер титирөө Шарк айылынан 2 км батышта, Кызыл-Кыштак айылынан 3км түндүк-батышта, Ош шаарынан 3 км түндүктө, Нариман айылынан 4 км түндүк-батышта, Кыргыз-Чек айылынан 5 км түндүк-батышта, Кашкар айылынан 7 км түштүк-батышта, Кара-Суу айылынан 16 км түштүк-батышта. Жер титирөөнүн очогу Ош шаарында, Сулайман-Тоодон 2,5 км жерде болгон.

Жер титирөө Ошто 5 балл, Шарк, Таштак, Кызыл-Кыштак, Нариман, Кыргыз-Чек айылдарында 5 баллга жакын, Кара-Суу айылында 4 баллга чейин сезилген.

Сүрөт: ӨКМ