Бишкектин Толстой көчөсү оңдоп-түзөө иштерине убактылуу жабылды
- 4 недели мурун
Бишкек шаарында 18-апрелден тартып Лев Толстой көчөсүндө эки этап менен реабилитация иштери жүргүзүлүүдө. Ага байланыштуу Лев Толстой көчөсүнүн бир бөлүгү жабылды.
Бул тууралуу Бишкек мэриясы билдирди.
Биринчи этапта 18-апрелден тартып Термечиков көчөсүнөн Кривоносов көчөсүнө чейинки бөлүгүндө жолду реабилитациялоо иштери башталды.
Ал эми экинчи этапта Кривоносов көчөсүнөн тартып Фрунзе көчөсүнө чейин жабылуусу пландалууда. Буга байланыштуу 5 каттамдын кыймыл-чиймеси өзгөртүлөт. Алар: №23, №62, №80, №227, №8(Т)
Мэрия шаар тургундарына кайрылып, убактылуу ыңгайсыздыктарга түшүнүү менен мамиле кылууга жана каттамды алдын-ала пландоого чакырат.
Иллюстрациялык сүрөт: Интернет булактарынан
Муну бөлүшүү
