Бишкектеги мектеп-интернаттан өрт чыгып, 600дөй киши эвакуацияланды
- 3 недели мурун
Баштапкы маалымат боюнча, бүгүн, 12-апрелде, Бишкек шаарынын Ленин районундагы Алыкулов көчөсүндө жайгашкан мектеп-интернаттын актовый залынан өрт чыккан.
Бул тууралуу өзгөчө кырдаалдар (ӨКМ) министрлигинин басма сөз кызматы билдирди.
Маалыматта айтылгандай, өрттү өчүрүүгө саат 13:36да Ленин райондук №6 ӨКБдан бир, саат 13:40да кошумча дагы бир, жалпы эки күжүрмөн эсеп жана штаб тартылган.
Болжол менен 600дөй адам эвакуация болуп, тилсиз жоо саат 14:25 чектөөгө алынып, 14:53тө толугу менен өчүрүлдү.
Жабыркагандар жок.
Такталган маалымат боюнча актовый залдын чатырынын 50 чарчы метри күйүп, түтүн каптаган.
Сүрөт: ӨКМ
Муну бөлүшүү
