Бишкекте мурдагы бекеттин аймагындагы объекттер алынууда
- 1 месяц мурун
Бишкек шаарынын мэриясынын жерди пайдаланууну көзөмөлдөө башкармалыгы убактылуу курулуштарды демонтаждоо иштерин улантууда. 2025-жылдын 11 айында борбор шаарда 9 000ден ашык объект демонтаждалды.
Бул тууралуу Бишкек мэриясы билдирди.
Борбор шаардын Жибек-Жолу проспектиси менен Осмонкул көчөсүнүн кесилишиндеги объекттерди демонтаждоо иштери мэриянын комиссиясынын чечими менен жүргүзүлүүдө. Бул жердеги объекттердин ижара мөөнөтү аяктагандыктан алардын демонтаждоо чечими кабыл алынган.
Бардыгы 6 негизги объект демонтаждалат, андан кийин муниципалдык жердин 700 чарчы метри бошотулат. Бул аймакта жашылдандыруу жана көрктөндүрүү иштерин жүргүзүү пландалууда.
2025-жылдын 11 айында башкармалыктын демилгеси менен 9 000ден ашык объект демонтаждалды.
Сүрөт: bishkek.gov.kg
