Бишкекте Комсомол көлү ачылды
- 10 месяцев мурун
Бишкекте Кара Жыгач токоюндагы Комсомол көлү ачылды. Оңдоп-түзөөдөн өткөн аймак эми ысыкта салкындап, эс алууну каалагандардын баарына жеткиликтүү.
Бул тууралуу Бишкек мэриясы кабарлады.
Комсомол көлү 10:00дөн 19:00гө чейин ачык. Эс алуучулардын коопсуздугу үчүн куткаруучулар нөөмөттө турушат.
Мэрия Комсомол көлүндө сүзүүнүн бир нече эрежелерин эске салды:
— балдар чоңдордун жана ата-энелердин көзөмөлүндө гана сууга түшүшү керек;
— белгиленген жерден ары сүзүүгө болбойт;
— мас абалында сууга түшүүгө болбойт;
— баланы суунун жанында кароосуз калтырбаңыз;
— кайыктардын жанында сүзүүгө жана моторлуу кайыкты кууп чыгууга тыюу салынат;
— сак болуңуз, булуттуу же шамалдуу убакта сууга түшпөңүз.
Урматтуу борбор калаанын тургундары жана коноктору, Бишкек шаарынын мэриясы сууга түшүүдө коопсуздук эрежелерин сактоону суранат.
Сүрөт: Бишкек мэриясы
