Бишкекте дүкөндөн чыккан өрт өчүрүлдү
- 2 месяца мурун
Бүгүн, 26-майга караган түнү Бишкек шаарынын Ленин районуна караштуу Арча-Бешик конушунун Шералиев көчөсүндө жайгашкан дүкөндөн өрт чыкты.
Өзгөчө кырдаалдар министрлигинин басма сөз кызматы кабарлагандай, өрттү өчүрүүгө саат 02:56ден тартып Ленин райондук №28 Өрт куткаруу бөлүгүнөн (ӨКБдан) 1, кошумча саат 03:15те №6 ӨКБдан 1, саат 03:18те №4 ӨКБдан 1 жалпы 3 күжүрмөн эсеп тартылган.
Өрт саат 04:07де чектөөгө алынып, саат таңкы 5:06да өчүрүлгөн.
Тилсиз жоонун кесепетинен жыгач устундуу калай менен жабылган дүкөн өрттөнүп кеткен.
Өрттөн жабыркагандар жок. Учурда өрттүн себеби такталууда.
Сүрөт: ӨКМ
Муну бөлүшүү
