Бишкек шаарында митингге тыюу салуу мөөнөтү узартылды
- 6 месяцев мурун
Бишкек шаарында тынч митинг өткөрүүгө тыюу салуу мөөнөтү узартылды.
Бул тууралуу Биринчи май райондук сотунун басма сөз кызматы билдирди.
Маалыматта айтылгандай, сот Биринчи май райондук акимчилигинин 28-марттагы “тынч митинг өткөрүүгө тыюу салуу ордун чектөө” тууралуу чечимин канаттандырды. Бул тыюу мөөнөтү 30-июнга чейин узартылды.
Бишкек шаарынын төмөнкү жерлеринде митинг өткөрүүгө тыюу салынат:
-Ала-Тоо аянты;
-Эркиндик бульвары-Линейный көчөсүнөн Чүй проспектисине чейин;
-президенттик администрациянын имаратынын алды;
-Жогорку Кеңештин имаратынын алды;
-Таттыбүбү Турсунбаева сквери;
-Жогорку соттун имаратынын алды;
-Орусия элчилигинин алды;
-Панфилов паркы;
-УКМК имаратынын алды.
Бул тыюунун мамлекеттик жана муниципалдык иш-чараларга тиешеси жок.
Каршылык митингдерин Бишкек шаарындагы Рыскулов жана Исанов көчөлөрүнүн кесилишиндеги Горький скверинде өткөрүүгө уруксат.
Бишкек шаарынын борбордук бөлүгүнө митинг өткөрүүгө тыюу салуу 2022-жылдын март айында кабыл алынган.
Буга чейин Бишкектин айрым жерлеринде митинг өткөрүүгө тыюу салуу мөөнөтү 2024-жылдын 31-мартына чейин узартылган.
Иллюстрациялык сүрөт: Интернте булактарынан.
